ريسيتال ميلادي تحت عنوان “بميلادك يسوع زهر كون جديد ” لأوركسترا حب العطاء

محطات نيوز –  كريستل ج. حيدر

“بميلادك يسوع … زهر كون جديد ”
تتحضر جوقة و أوركسترا حب العطاء لريسيتال كبير و ضخم و فريد من نوعه بجميع مكوناته و أفكاره المميزة و مفاجآته العديدة …
عمل ميلادي بقيادة المايسترا كريستل ج. حيدر بتقدم الإحتفال الصحافية ريتا بريدي و بشاركونا “أهل البيت ” يلي صاروا منا و فينا المرنمة شانتال عقل و الفنان توفيق تنوري الجمعة 23 كانون الأول
7 و نص المسا بكنيسة مار يوحنا المعمدان عشقوت- كسروان
جوقة عمرا من ال 2012 رسالتها المحبة و الإنسانية و المجانية
تحت رعاية إمنا العدرا سيدة العطاء
المؤلفة من شباب و صبايا إجتمعوا حول الحب يلي بيضحي تيعطي … شباب و صبايا قدموا نفسن لخدمة الرب و الكنيسة … عطيو من وقتن و قدموا اجمل ما عندن تيمجدوا بصوتن يلي هوي نعمة و موهبة منو !
هالجوقة تتنجح في شخص درس و تخصص و حضر و خطط و قرر و نفذ و قاد السفينة لبر الأمان : المايسترا كريستل ج. حيدر قائدة و رئيسة هالجوقة … خريجة جامعة الروح القدس الكسليك كلية الموسيقى
هالجوقة كل سنة عم تتقدم و تكبر و هيدا بفضل جنود مجهولة و متابعة مكثفة لكل خطوة … منشكركن من قلبنا …
الجوقة بتستمر بصلواتكن و تشجيعكن و محبتكن …
ناطرينكن الدعوة عامة و الدخول مجاني …