النشـــوة – فارس غنّام

قالت إلي شو جسم يا غنـّام
غنّي إلو وعالعـود قسّمني
ما بريد يرسمني قلـم رسّام
بدي بتم الحب ترسمني
…
قلتلها من بين كـل النـاس
ممنوع من كاسك حدا يشرب
إلا أنا والكــاس والإحساس
ما في حدا عاشفافك بيقـرب
…
وما زال بوساتك متل حلقات
وكل بوسة حاملي حكايـة
ليش ما منطّول البوسـات
ويبقى المسلسل ما إلونهاية
…
وعاتمك المزروع بي نيسان
خلقت النشوة وكيف ما بشمك
لما ورد نيسان بالبستان
بيشرب مزهر الورد من تمـك
…
وما زال جسمك مسرح جنوني
وفستان جسمك للجسم يتّــم
ما بحب شوف اليتم بعيـوني
ولا بحب إقشع مسرحي عتّـم
…
لا تسأليني هالعطر من ويــن
وإنتي يا زهرة زهـرة السهرة
روحي سأليني نوحّد القلبين
تا نعيش متل العطربالزهـرة
…
ومهما غرامك يفقع من الجوع
ما في حدا بيدخل عابستـانك
وغير إيــدي بالدني ممنوع
تفكفك يا روحي زرار فستانك
…
بحلف بروحي وزقزقات الطيـر
كلما غفوا عيونـك بعينيـي
من الفجر بشحدلك صباح الخير
وفيّق عيون اللي غفوا فيي
…
إنتي وراق العمـروالديجور
وغير إسمك شو محليها
إسمك كتبتو بي حروف النور
تا تعـرف الدنيي معانيها
ما بحب كون الخاطرالمكسور
قدام حلـوة الروح عاطيها
ولا بحب خرطش بي قلم مكسور
عا حب قد الكــون بعيوني
وعا وراق كاتـب قصتي فيها