_____ مطر ______ أنور أبو لطيف

وعيت اليوم من بعد ليل وسهر

ع صوت مزراب اللي دمعو انهمر

عاريحة تراب الارض الفاح وعطَر

وعبَق بعدما العطش داخ وصبر ..

عاشباكي وقفت راقب وحد النظر

والجو بالغيم ملبَد وعامي البصر

وكيف عم يتحمموُ مداميك الحجر

وعالمي كيف بتفرفح وراق الشجر

وكيف الشتي بيرهج بطلِة وعِبَر

صفنت وصرت خرطش وارسم صور

وناجيت ربي وقلت يارب البشر !!

تحفظ حبيب القلب هالمتل القمر

وياريت بتوجه الغيمات لعندو تروح

تبلغو عن لساني كلمتين زغار …

تقلو بحبُو أنا عاقد حبَات المطر !!

——————————————————

24/9/2013