صورتك… نور ابو طرية

وحياة حبي ل صورتك كبّر

وزهر بروحي شعلة نوارو

وصفى شي بدر بليلتو خبر

قصة رسمها الوعد بسرارو

 

 

من ورقة الغار الحلا بيموج

ويمرجح القصفة على التاني

ويحمل بعبا عطرك الغنوج

ويشلح عكفي جوع حرماني

 

 

وكلما مضى هالنجم بالفكرة

بيدرز من خيوط البعد خلفو

بتمرق عيوني تلملم الذكرة

مشحتر بكحل جفون عم يلفو

 

 

وبيغيب من خد السما والعين

وبيغل فيي العتم بزيادي

وارجع ع حفة عشقنا ومنين

بطعم الجوع ال صار زوادي

 

 

متلك متل هالنجم عم بتجول

بتقطف غلال العمر وبتعلق

ويبقى ورقنا مخرطش ومبلول

ولهفات متل الطفل عم تخلق

ونهدة بعب ضلوعنا بتقول

خلي الفجر بشطوطنا غرقان

ونغمى بعب الليل ما نق

 

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

من يقرع الجرس ويصارح الشعب بالحقيقة – عضو المكتب السياسي لجبهة النضال الشعبي الفلسطيني – جمال خليل “أبو أحمد”

محطات نيوز – قصة من ...