كافر… – نور ابو طرية

كافر انا للحب عم صلي

وبركع ع شهقة جوع ع بابك

ن كنك شي ناسك قاعد تجلي

سكوب الخمر غمرات بعبابك

تم القمر قربانك مصور

فتفت ع حالو الصوم كرمالي

اتشهون عليه الجوع واتهور

بيفطر ع حالو سكر عا حالي

بيوقع بقفة عشقنا عمرو

غازل رمادو شوق بعيوني

حبال العطر تتنسل بجمرو

وتسكر ع اول حفة جنوني

يمكن اذا النسمات تتشاقى

كف الشمس يغزلك خيوطي

بشمك عطر غرقان تا لاقى

تم الندي غميان عشطوطي

بجمع نجوم السهر بالباقة

وبغزل انين الليل حفنة شوق

مشطب باخر روح بخطوطي

اضف رد

لن يتم نشر البريد الإلكتروني . الحقول المطلوبة مشار لها بـ *

*